The 47th GBC Mothers’ Day (May 8, 2022)

Ka·sara Kristoo Ka·rimska Ma·giparang
“Ma·gipa,” ian a·gilsako knatobegipa katta ong·an baksa Isolni mande jatna pattigimin gamchatbegipa ong·a, je grian an·ching a·gilsako ong·na amani dongjachim. Maina ma·ani oko keako man·e a·gilsako atchie dal·atanio man·on ma·ani ka·saaniko cha·totgiparang pilakan salanti janggi tangna nanggenchimoba a·gilsak gimik bilsio salsa chong·motan May-ni gnigipa Robibarko ra·e ma·giparangna Isolko mitele bi·an baksa mandera·aniko dakbaenga. Ia bilsioba May 8, 2022 tariko a·gilsak gimikni Isolni ong·atgimin manderang baksa ma·giparangna bi·anio an·ching ABDK-ni Mondolirangba bakrimpana.

“She begged Jesus to drive the demon out of her daughter” (Mark 7:26b).

“Detangna Mol·molchakgipa Ma·gipa” ine Mark 7:26b-oniko ra·e ia bilsini “Ma’giparangni Sal”-na pangchakaniko donna katchabea. Dedrangna ma·gipani gisiko nange mol·molchakaniko nangchongmota aro ma·gipani mol·molanichi dedrangna dingtangani, an·sengatani aro jakgitelaniko ra·bana ama ine ia Syro Phoenika-ni me·chikni Jisuo demechikko an·sengatchina mol·molaoniko skie ra·na man·a. Isol ma·gipa sakantikon ia rakbegipa somairango dedrangko nirok-simsakanio be·en-gisik an·sengan baksa dakchakangkuchina, Amen.


Mitelanirang

  1. Isolni ma·gipako a·gilsako ong·atanichi mande jatna pattiahanina mitelna.
  2. Neng·begipa aro kenbegnigipa chasongo ma·giparangko bilake rakkienganina mitelna.
  3. Ma·giparangni bi·na bimchipanichi dedrangko dingtangatenganina mitelna.


Bi·anirang

  1. Ong·ronggija chasongo ma·giparangni nokdangko nirok-simsakanina bi·na.
  2. Isolna kengipa nokdangko ong·atna ma·giparangni kamko ka·anina bi·na.
  3. Ma·giparang dedrangko jatna, songsarna aro Isolni songnokna jakkaltogipa ong·atna skie tarigipa ong·china bi·na.
  4. Ma·giparango Kristoni mingnama gunrangko nikangkuchina bi·na.


Mrs. Bonjera A. Sangma
Director of Women Ministry